احدى القصائد الرائعه التي قيلت في
الشيخ فيصل النجرس
للشاعر: محمود ابن ياسين أل نجرس
ليتك تعود وكلنا دونك اموات
لان الحياة بدون شوفك خساره
يبكي عليك الزور ويغزرلك الدمعات
وينوح شط الفرات بحزن ومراره
وتبكي عليك جبور وشمر والعقيدات
والبوحسن تبكيك وكل العشاره
وتبكيك كل الثلث بدموع كالجمرات
وتبكيك كل الخلق سر وجهاره
وحتى جبال طويق اسمع لها انات
من هول ماقد جرى وباح بأسراره
ياليتها توزعت بأسمي انا النعوات
اوليتني مدفون كنت بجواره
ماظنتي دكتور يشفي لي العلات
ولا ظنتي به يوم يشرق نهاره
ياشيخ ياعمي ياراعي النخوات
يلي تعز الجار وتحفظ وقاره
والله ونعم فيصل هو راعي الفزعات
اللي يرد العدى بحزم وجساره
هو مكرم الضيفان جزل العطيات
مقلط صياني الزاد ليفايح بهاره
مفني الحلال ولاتهمه خسارات
وهو مضرب الامثال مابه انكاره
راعي الجناب الزين حلال الازمات
عون الضعيف وشور منهو استشاره
شيخٍ على العربان وهوصقر العقيدات
امجاد له ملتنحصي ولاهي تجاره
ما خلفن مثله الا الاصيــــــــــــــلات
ساس الشيوخ اللي تسوق البشاره
خلفة ابو نورا وعشر النعم بيجات
كأنهم سباع الوغى والا حراره
مرحوم ياابو صفوك راعي الزينات
يلي عرفنا فيك رمز الصداره
مرحوم ياابو صفوك ياعالي الهمات
يلي بوسط الناس كنت المناره
والله دامي حي لأنظملك الابيات
حتى يمل الشعر او تنتهي ابحاره